03 ފެބްރުއަރީ 2008

ޖަދަލުކުރުމަކީ ޢިލްމީ އުޞޫލެއްނޫނެވެ.

- ޢަބްދުލްޢަޒީޒު ޖަމާލު އަބޫބަކުރު -

ޢިލްމީ ބަޙުސްތަކަކީ އަނެކާގެ ޚިޔާލަށް އިޙުތިރާމާއެކު ހެކިދައްކައިގެން ލިޔާ ލިޔުންތަކެވެ. ތިމާގެ ޚިޔާލާ އިދިކޮޅު ކޮންމެ ލިޔުމެއް ފެންނަ އިރަށް "އަށްޑިހަ ފަހަކަށް" އެރުމަކީ ޢިލްމީ ލިޔުންތެރިންގެ ގޮތެއް ނޫނެވެ. މީހަކު ދައްކައިފައިވާ ވާހަކަތަކެއް ދޮގުކުރުމަށް ބޭނުންވަނީ ރުޅިވެރި ބަސްތަކެއް ނޫނެވެ. ސާބިތު ހެކިތަކެކެވެ.

ޢިލްމީ ލިޔުމެއް ކަމަށް ބެލެވޭނީ ދިރާސާކުރެވިގެން ހެކިދެއްކިފައި ހުންނަ ލިޔުންތަކެވެ. މިފަދަ ދިރާސާތައް ހުންނަންވާނީ ޢިލްމީ މަޞްދަރުތަކަށް ޙަވާލާދެވިފައެވެ. މި އުޞޫލާ ޚިލާފަށް ތިމާގެ ޚިޔާލާ އިދިކޮޅު ޚިޔާލެއް ފާޅުކުރާ ކޮންމެ މީހަކާ ޒާތީގޮތުން ދިމާކޮށް ހެދުމަކީ ޢިލްމީ ބަޔަކު ޤަބޫލުކުރާނެކަމެއް ނޫނެވެ. ރިއަލިޓީމޯލްޑިވްސްގެ ފަލްސަފާ އަކީ އަދި ސިޔާސަތަކީވެސް މިއީއެވެ. (އިތުރަށް ވިދާޅުވޭ)

20 ޖަނަވަރީ 2008

އާހިއްވަރެއް ލިބިއްޖެ

މާތް ﷲގެ ވާގި ފުޅާއެކު ދިވެހި ޤައުމަށް ޚިދުމަތްކުރުމަށް އަޅުގަނޑުމެން ފެށި މި މަސައްކަތަށް ލިބުނު ތަރުޙީބަށްޓަކައި ﷲ ސުބްޙާނަހޫ ވަތަޢާލާއަށް ޙަމްދާއި ޝުކުރުދަންނަވަމެވެ.

މި މަޖައްލާގެ ފުރަތަމަ ޢަދަދު އިންޓަރނެޓްގައި ޝާއިޢުކުރެވުނު ފުރަތަމަ ދުވަހުވެސް 2500 އަށްވުރެ ގިނަ މީހުން ޒިޔާރަތްކޮށް، 13000 އަށްވުރެ ގިނަ ހިޓް ލިބުނު ކަމީ އަޅުގަނޑުމެންނަށް ލިބުނު ވަރަށް މަތިވެރި ހިއްވަރެކެވެ. މި ކަމަށްޓަކައި އެ ހުރިހައި ފަރާޓްތަކަށް ވަރަށް އިޚުލާޞްތެރިކަމާއެކު ޝުކުރުދަންނަވަމެވެ. (އިތުރަށް ވިދާޅުވޭ)